2019年11月26日 星期二

每月現金流

去年年尾自己利用樓宇套現,多了一筆金錢來投資,目標都是想產生多點現金流,去幫自己的財富增值。

由於自己的工作都尚算穩定,而且收入都算滿意,所以都未有時間表去退休住,但係如果可以早日達到財務自由的話,就當然後最好啦!所以而家都要好好策劃一下這一筆錢的運用,睇
下可以點樣可以幫到自己早日可以賺取更多。

以後我會不定期記錄一下自己個現金流情況,會High level咁報下個倉既組合,又或者報下個月底現金流情況。

先寫目標吧:
由於套現的金錢要每月定額還債,所以定下的目標就直接用每個月的供款來做比較吧。

目標:$30,000一個月。

現況update:(2019年l1月):

現金 49.1%
ETD及債卷ETF 12.4%
股票及期指期權倉 23%
金+GDⅩ 10%
其它 5.5%


由於自己未試過處理過這麼大額銀碼的投資,所以一直都戰戰兢兢,導致到目前為止都還有一半是現金及定存,大概只收1-2%的息,其實都損失了不少機會成本。黎緊要加一把勁看看有什麼東西是值得投資的。


下次再報一報十月的成績。



2019年11月9日 星期六

Pairs trade 策略 (平保 vs 港鐵)(4) 報數

因為無新交易,所以今次update只係價格上的改變:

LONG CALL: 2318 x 2500

Total Costs: $34,780;
Intrinsic value of the options: 2318 @ $94.1 - $80 = $14.1 (保守點,淨係用內在值來比較)
Total Gain/Loss: $14.1 x 2500 = $35,250 - Costs = Gain $470
Total Exposures: $200,000 (即係相關正股的價值)

LONG PUT: 0005 x 800; 0066 x 3000

Total Costs: $35,110
Intrinsic Value of the options: $35,810 (唔詳細打計算方法喇)
Total Gain/Loss: Gain $700
Total Exposures: -$219,000

Net Gain/Loss = Gain $1170
Net Exposures = -$19000 (Compare PUT同CALL的exposures, 目標都係想盡量等於0)

經過了個多星期,平保的表現已經回復正常。都叫做跟到個市向上啦。表現好過港鐵同匯豐,所以托賴個trade而家淨係計內在值都可以叫做上返正數。希望方向正確,向著呢個方向繼續前進啦。

2019年10月29日 星期二

Pairs trade 策略 (平保 vs 港鐵)(3) 起步篇

今日終於搵到啲時間喺屋企去update個blog。

報一報數先, 盡量簡化一點啦:

LONG CALL:

1. 2318 - 2019DEC - $80LC x 500 - $14.93 - Cost: $7465
2. 2318 - 2019DEC - $80LC x 500 - $16.01 - Cost: $8005
3. 2318 - 2019DEC - $80LC x 500 - $12.07 - Cost: $6035
4. 2318 - 2019DEC - $80LC x 500 - $14.80 - Cost: $7400
5. 2318 - 2019DEC - $80LC x 500 - $11.75 - Cost: $5875

Total Costs: $34,780;
Intrinsic value of the options: $91.1 - $80 = $11.1 (保守點,淨係用內在值來比較)
Total Gain/Loss: $11.1 x 2500 = $27,750 = Loss $7030
Total Exposures: $200,000 (即係正股的價值)

LONG PUT:
1. 0005 - 2019DEC - $67.5LP x 800 - $7.7 - Cost $6160 (之前無講到,其實最初我是想PUT匯豐的,但後來覺得港鐵可能淡啲,所以大部份做了港鐵。)
2. 0066 - 2019DEC - $55LP x 1000 - $8.2 - Cost $8200
3. 0066 - 2019DEC - $55LP x 1000 - $9.4 - Cost $9400
4. 0066 - 2019DEC - $55LP x 1000 - $11.35  - Cost $11350

Total Costs: $35110
Intrinsic Value of the options: $36100 (唔詳細打計算方法喇)
Total Gain/Loss: Gain $990
Total Exposures: -$219,000

Net Gain/Loss = -$6040
Net Exposures = -$19000 (即係PUT大過CALL, 目標都係想盡量等於0)

小結:
先說明一點,由於我只係用來在值來比較,而因為期權的價值還有時間值在內,所以其實現在個虧蝕是會比實際情況多一點。我冇用期權的實際價格來作比較係因為我懶逐隻去搵返佢個報價,直接用現價減行使價就是最方便的計法。就當時間值是手續費及槓桿所產生的費用吧。

由於平保上星期五的下跌,暫時LC那邊是做得甚差,都冇辦法啦,睇下之後嘅進展吧。

終於將個起步篇寫完,之後就可能有咩動作,或者有大上落時就再update一下啲數字。暫時無計劃何時平倉,但應該在12月頭一定會決定是否盡搬到2020三月。

2019年10月26日 星期六

Pairs trade 策略 (平保 vs 港鐵)(2) 起步篇

上星期剛剛開始記低呢個策略,寫的時候其實是有幾千元利潤的,多當然不算多,但一來只係做左一個月,有大概10%賺其實真的不錯,二來難得的是竟然方向啱晒,就係對比買入時,平保升左,港鐵跌左,即係話賺晒兩邊茶禮!

所以其實上星期一直有落左order 想先平港鐵long put 果邊,但又係散戶的貪心心態,再加上其實呢啲入晒價嘅期權其實係冇咩market 的,我睇返個價嘅未平倉數字,正正就係我做嘅果幾張,哈哈。所以一定係要莊家同我成交架啦,所以個價都唔慌會有我著數,所以下次都係落啲保守啲嘅價,可能要寧願蝕底啲都冇辦法。

講到咁飲恨,就當然係因為形勢逆轉啦,星期五平保業績比預期差,跌3%,我個策略即係賺變蝕。暫時我做嘅就係加多了平保long call。又睇下故事發展下去又有咩變化?

PS 由於呢兩次UPDATE 都喺街,所以唔方便抄啲數出來,希望平日在家時有時間做下啦。

2019年10月19日 星期六

Pairs trade 策略 (平保 vs 港鐵)(1) 起步篇

近年好少記錄自己投資的事,一來懶,二來自己越睇得多其他人的分享就越覺得自己真係皮毛都不如,所以都真係唔班門弄斧算了。

不過自己成日CD rom 睇咁多其他人啲野,自己都有啲癮想寫下,咁啱近來做左啲同以前唔同嘅玩法,所以就不如記錄低下,自己日後參考也好。

其實都唔算係啲咩特別野,哈哈。如標題所講,就係做左個pair trade (希望冇講錯名), 做嘅係 long call 平保, 同long put 港鐵 (其實有long put 埋匯豐,不過後尾覺得put 港鐵好啲,所以一路都只係加落港鐵度。)

點解咁做?

追溯最早原因係我成日都好後悔自己好早清晒啲平保,成日想買返(正宗散戶心理)。但有留意佢近年走勢都知,佢嘅股價根本就係一去不返,我呢啲正宗散戶只有得個睇字,雖然不斷Short Put 都叫做有啲期權金做安慰,但都彌補唔到內心果種點點嘅遺憾。

所以,既然short put 我覺得只係安慰,直接買正股又過唔到自己覺得傻仔左低賣高買嘅無謂心理關口,於是我就決定做 long call !  而我今次決定做的,是ITM 的 call, 原因當然係想盡量輸少啲時間值啦,當然個本會大啲,但我本住嘅心態係用做左margin 去買正股咁,而唔係真係想食佢短期來爆上果啲,因為我根本唔會知佢之後嘅走勢會係點。

好喇,做左long call喇,以一個每月都賺時間值為目標嘅我,當然又係散戶心理,覺得今次要付出時間值而覺得有點不是味兒。不過如我之前所講,其實我一路都有做short put 平保的,所以時間值呢邊就當平手吧,心理即刻平衡返啲,哈哈。

下行風險?

時間值搞點,咁我又諗下,如果佢唔升咁又點?始終買嘅係 options,唔係正股,正股都話坐下,option 到期就冇仇報(當然可以rollover,但我自己通常就會當係新一回合,即係之前已經輸左),仲有因為而家係leverage 左,即係話所有平保嘅上落都會倍大左,所以我就諗下點樣去控制下個風險呢?

我諗到嘅就係搵一隻我最唔睇好嘅股票,long put 佢,嚟食個downside。所以就揀左港鐵。呢排發生咩事就唔使重覆啦,我就只係覺得連串事件令到我對佢嘅管理層嘅能力同權力都有好大疑問。所以就long put 左佢。因為我覺得如果個市係升嘅,我相信平保會升多啲,而跌的話,港鐵會跌多啲。

最大風險係?

因為係pairs trade,所以個風險某程度上應該會係對沖咗 (做得正確的話)。但係如果睇錯,結果係港鐵原來唔係咁差,表現好過平保的話.....

下篇再續

2019年10月12日 星期六

小病一場

上週末,經歷了小病一場。

說是小病,也著實折騰了我好幾天,高燒到40度,全身骨頭像全部散開一樣,基本上可以做的就只有睡在床上,整個週末都是矇矇朧朧,不見天日。

不過,有些時候,真不知是好彩還是不幸,該幾天正是香港最黑暗的日子,有誰想到地鐵會全日停駛?全香港大部份商場會關門唔做生意?我估你叫半年前找個人坐時光機來到今天他都可能會嚇呆。

一切都變化得太快了!
人心,
真理,
良知,
善,
惡,
好人,
壞人,
底線,
所有所有的定義都一一被改寫。

我個人是小病,幾天就可康復過來,香港患的就絕對是大病,不知何年何日才能好番,也不知有何後遺症。只能但願這不是一場絕症就好。

一場小病給我的警號可能就是睡眠不足,要對自己身體好些。

香港這場大病就真的是一場人性大考驗,也是智力大測試,挑戰人類對常識的定義。再不可信的事都有可能發生,再荒誕的事情也可以發生,而這裏不是第三世界國家、這是香港........

到此,可以講的就只有:

香港加油!!

2019年7月22日 星期一

今日

個腦裡面曾經有好多問號,好多嘢都唔明。今日好似搵到啲答案。
曾經以為有啲人太偏激,太多疑,今晚發生嘅事都其實幾清楚。唔駛點用腦去分析。
真係好失望,點解呢啲事會發生係呢個地方?個世界從來都係咁醜惡? 定係只不過係之前掩飾得好啲,而家資訊發達,咩都無所遁形?
對好多事情都無咩感覺的我,今晚,都嬲到火都嚟!!

慘痛的十一月

純粹想總結一下十一月的慘況: 現金流方面的虧損超過六位數字,真係非常甘。 恆指期權方面竟然係蝕咗total 十一萬..... 原因係犯了不應該犯的錯,估錯邊之後仲要死牛一邊頸,一路等佢回,不斷加LP,今次都係第一次自己唔係衰係Short,而竟然係衰係Long手上,真係問你死未。 ...