《木面股票+期權倉》(3) ~ 20160530 五月結算

今日結算，原本月中市況最低迷的時候是有三隻權都入了價，當其時還在想要做決定接那兩隻貨和平那一隻。最後一輪急升，等於個市場幫我選擇咗，仲要只係揀咗一隻，就係2318平保喇！入貨價是$35，都只是比現價高出少許。正如之前所講，入了貨的都是看長線，現在要做的就是慢慢建立好這個長期倉。

至於六月，由於五月尾呢一輪急升，大部分目標股票都升了不少，所以暫時決定等多一會才決定SP那幾隻。呢幾日可能要審視一下我的目標股票以及期待入貨價位。

現時期權倉就只剩下一張六月388SP＠$150。

2016頭四個月小總結

好了，是時候報一報頭四個月的成績了，總體上都是不錯的。

只是計期權的利潤的話：

	Index	Stocks
Month
2016/01	$     3,227.42	$  1,930.00
2016/02	$   28,673.58	$  1,889.05
2016/03	$     8,799.12	$(1,394.24)
2016/04	$   21,947.80	$  1,325.00
	$   62,647.92	$  3,749.81

就咁睇，當然看似是指數期權方面成功得多啦，但係都係果句啦，指數期權其實如同賭博，順時贏並不代表什麼，逆時怎樣去控制損失才是實力。而我在股票期權的玩法就真係純粹以想入貨為宗旨，利用期權去增加現金流及提高自己的執行力，所以我唔會預期股票期權那邊會帶來可觀收入，相反每個月如有四位數字的進帳都已經好滿意。

頭四個月中只接了一次貨，就是1月時接了2800＠$20 x 2500。如把收到的期權金及扣掉手續費後，成本就是$19.68。

Holding:

2800 x 2500 @$19.68 (purchased on 28/1/2016)

5月已經預知指數期權要蝕錢，但應該最多都是$1萬左右，而股票期權方面就看看0005及2318會否需要接貨了。

《木面股票+期權倉》(3) ~ 20160523 (covered 2823 SC)

上星期五按計劃平了2823SC ＠$0.4。

早前都有提及過張2823是從早些月份搬倉搬過來的，而家成功平倉就可以cover到之前的損失，並且有啲利潤：

2016/03:
2823 SC$9 @0.45 x 5000
2823 SC$9 @0.66 x 5000
當時睇得太淡，但到月尾時不但冇跌落$9，反而升到接近$10，於是差不多月尾時就用$0.88平晒：
2823 LC$9 @0.88 x 10000
Profit/(Loss) - ($3,250)

與此同時，看淡之心不變，於是就再開六月但近一點的價位＠$9,25 ＠0.92。結果就是如我所願，A股走勢偏軟，跌回到$9,5左右，而我這張SC的利潤也差不多了所以就平掉計數：

2016/06:
2823 SC$9.25 @0.88 x 10000 and covered @0.4 x 10000
Profit/(Loss) - $5,200

成個trade，net埋手續費之後都有$1,773利潤，都不錯！

好了，又報一下個倉，暫時有兩隻權是入了價的。要繼續密切留意。

2016／04指數期權（完）

睇返之前寫落的網誌的標題才發覺四月跟五月寫過關於自己的指數期權倉都是無結尾的。所以現在先補一補四月個尾先。

個spread最後的結果是無驚無險，因為一路都在高位，距離我張SC，以及我揸張期指的價錢都一路有個距離。所以一點動作都沒有，到月尾自動結算就成功。

最後整個策略的利潤是334點，成績當然是極度滿意啦，當然幸運成份都居多，原因就是升了上去都無跌回下來，唔駛點郁到個期指spread，所以操作上的風險好細，於是就利潤食到尾。今次執行上最成功就是一路變陣，一路個潛在利潤都在上升，而最後又可以順著我的佈局去獲得最大利潤。

至於張214SC，收了140點的short，最後到了差不多月尾由於都幾近合約價，所以沒有等到自動結算而以30點平了，都食了110點，成績不俗。最好彩就是原來結算日急升，上到216xx，又係時間較得啱啱好。

綜觀4月，指數期權為我帶來超過兩萬的進帳，成績當然滿意啦，但就絕對肯定是運氣佔大部分，點解咁講呢？睇埋5月咪知囉。

《木面股票+期權倉》(2) ~ 20160518

又報一下個倉，好似貼圖好過成個table搬過嚟，個format冇咁易亂。

簡單講解一下上面個表：

Cont Liab即係潛在嘅支出，亦即係如果隻期權被行使時我雖要付出的金額。張SC2823就係因為我係naked short，所以我個期權合約嘅總金額就當成係Cont Liab。我會盡量將呢個Cont Liab控制在$60萬以內。

過去幾天的交易就只是加了388的六月PUT，亦都係一個幾遠價嘅位（$150）。我相信如果真係去到呢個位的話就絕對入得過看長線。所以嚟緊只要388有啲咩調整我都會不斷咁做呢個價嘅SP。

而家Cont Liab已經去到$50幾萬嘅水平，即係話都差唔多做滿倉。我下一個行動應該係平咗張2823SC先。因為正股個價都跌到去$9.5左右，睇嚟個Call嘅價都已經可以去到$0.4或以下，所以平的話已經可以追返之前搬倉的成本，並且有微利，又可以釋放返啲按金去應付如果再大跌的按金要求，所以應該呢一兩日就會平掉。

Indicator裡的ITM代表該期權已經入價，除了SC2823之外，其他都是SP即係話有機會要接貨，而家嘅打算就係只會在其中選兩隻來接貨，另一張就平掉或搬倉到下月。不過暫時未諗到接那兩隻股，可以留待下星期初再決定。

《木面股票+期權倉》(1)

第一次update，就記低一下現在倉裡面有什麼吧：

Month	Underlying	Action	shares	Ex. Price	Premium	Cont. Liab	Return	S/C	Premium $
May	0388.hk	SP	500	$150.00	$0.84	$75,000	0.51%	$35.00	$385.00
June	2823.hk	SC	10000	$9.25	$0.92	$92,500	9.91%	$35.00	$9,165.00
May	2318.hk	SP	1000	$35.00	$0.65	$35,000	1.74%	$35.00	$610.00
May	0005.hk	SP	1200	$49.00	$0.50	$58,800	0.96%	$35.00	$565.00
May	0883.hk	SP	5000	$8.50	$0.09	$42,500	0.98%	$35.00	$415.00
May	2800.hk	SP	2500	$20.00	$0.18	$50,000	0.83%	$35.00	$415.00
May	1299.hk	SP	2000	$42.00	$0.43	$84,000	0.98%	$35.00	$825.00
June	0388.hk	SP	500	$150.00	$0.49	$75,000	0.28%	$35.00	$210.00
						$512,800	OK		$12,590.00

上面就係我依家倉裡面嘅合約，所有SP都是打算入貨的，而家２３１８同０００５都入咗價，要入貨亦都無所謂。至於張２８２３SC，就是幾個月前手痕做的naked SC，入晒價所以搬了去六月，我打算如果期權金跌到$０.４左右就會平，執少少算數，升上去又覺得機會不大，所以都唔係好驚。

其實做SP最主要的目的就是想賺多些現金流，set定目標價希望到月尾時到價就入貨，唔到價就收期權金，咁就點都有啲得益。好似五月咁，期權金就可以收到$3,215期權金，而按金就大概十萬咗右。就算月尾入唔到貨都有唔錯嘅現金流收到。

下次再update之前幾個月的成績。

2016重新出發！

重新再寫返網誌，最大的原因就是因為2015年底轉了工，而因為工作關係，之前持有的股票都大清倉。所以，2016年對於我的投資生涯來說是重新開始。希望在過去十多年的投資生涯裏（雖然結果是得個吉）的經驗，可以幫助到我慢慢累積到財富，皆因現在家庭成員越來越多，開支自然有增無減，而工作方面都應該去到樽頸位，要再向上爬都可能要一段時間，所以正好趁現在這個時機好好計劃一下自己的投資。

過去一個月都主力update自己指數期權方面的投機，其實呢方面對於我來講是寓投機於娛樂居多，由於自己鍾意計數，所以玩期權就好滿足到我呢方面嘅興趣。

不過期權始終係投機，有什麼行差踏錯就會蝕錢，所以絕對唔係一個固定嘅收入來源。所以其實另一邊廂我亦都在籌劃緊配合股票期權去建立一個永久股票倉，用股息及期權金去為自己開多一個固定嘅收入來源。

金額方面，永久倉就睇情況而定，目標希望兩年內去到一100萬（當然係邊儲錢，邊入貨啦）。而指數期權方面我就會預15萬按金左右。

這裡我希望可以盡量update多些，目的就是給自己去做紀錄，溫故知新。

兩個倉，一個就叫《木面股票+期權倉》，另一個就叫《木面恆指期權倉》啦。

在2016年頭幾個月做了什麼就不在這裡記錄了，下次update時可能只是把各個月的賺蝕和現金流記錄低吧。

祝我好運！