Long兩邊

記錄一下今個月接近月尾時做了的一次long兩邊。

時間是6月17日，當日用385點long了230call & put，果時仲有8個交易日，VHSI都跌到近期嘅低位，所以雖然知道而家世界盃期間應該都係無大起跌居多，但都估佢唔會一路玩住個230玩成個月掛，所以就long了230兩邊，target希望係去到226或234時平晒兩邊，cut loss 就係如果虧損超過100點就平。

之後嘅情況就係接下來的兩三天都還是牛牛皮皮，一路都係喺231以上，當時睇啲期權加倉都仲覺得會上一上23400先，於是上個禮拜五都係繼續keep，當時應該係蝕緊7x點左右，時間值留失情況嚴重！

皇天不負有心人，到了星期一的早上時真係有個突破，雖然只係極短時間上左234（期指）以上，到我check個價時都已經落了去234以下，我都立即平晒兩邊倉，見有些少利潤都係平左先。最後賺了45點，11%左右，筫唔錯啦。因為只得幾個交易日，如果之後返去23000果頭玩幾日咁我就真係輸晒了。當然，果日竟然之後會跌到落227xx就真係絕對的意料之外，如果早上係只平LC，留LP的話，咁就和味喇，當然世事係無咁完美啦，但事後檢討，平了LC所得的期權金都已經可以cover成套嘅cost，而LP就只係得30幾點，其實都真係不妨留佢一留，睇睇會唔會行相反方向嘅。但當然啦，而家有賺我都已經滿足。