慘痛的十一月

純粹想總結一下十一月的慘況：

現金流方面的虧損超過六位數字，真係非常甘。

恆指期權方面竟然係蝕咗total 十一萬..... 原因係犯了不應該犯的錯，估錯邊之後仲要死牛一邊頸，一路等佢回，不斷加LP，今次都係第一次自己唔係衰係Short，而竟然係衰係Long手上，真係問你死未。

股票期權都因為啲Tesla SC 要搬倉，所以realize咗四萬幾loss。當然都係衰貪心啦，之前幾個月SC $550 執到啲點知今個月比佢終於狠狠咁爆過咗。無計唯有搬高啲個SC 之外又加下啲SP幫補下。自己有hold住啲Tesla 在手嘅，但唔夠100股，亦唔打算俾佢call 走，所以呢個應該係同佢玩無限輪迴算喇。

其他嘅收息或者期權金嘅現金流大概兩萬幾，對比以上嘅loss 當然只係聊勝於無，總虧損依然有成$120k。當然呢個係計今個月嘅現金流，因為其實其他手上的持貨都叫做有升值，所以又唔可以話今個月淨係衰哂嘅。不過就係因為今個月如果平平穩穩就可以有好收成，但係竟然返啲低級錯誤而鑄成大錯咁先至大慘痛。

唯有希望逐個月追返啲啦。

懷疑人生

繼今年三月之後，十一月是對於自己來講的另一個慘痛的月份。

其實嚴格來講今個月都未完，不過暫時計數都應該係慘烈地輸了。

輸的就是在指數期權那邊，再加最近幾個月都有SC Tesla。睇到呢度大家都應該知道我呢個月睇邊個方向。其實月頭係諗住兩邊Long 的，但係唔知點解心中成日覺得美國總統選舉嘅亂局唔會利好大市。所以有意無意間減少了對SC的保護，於是就鑄成大錯！

今次應該甘過3月，雖然3月打後其實都recover晒，不過一年嚟兩次大鑊嘢，一次急跌，一次急升，對我依家投機嘅思維都有唔少嘅衝擊，玩咗咁多年啲紀律依然係不堪一擊，真係要退避一下。

話說回來，其他嘅portfolio 就ok 嘅，不過喺投機果邊輸鑊甘就真係極之不是味兒姐。

要再改良下自己嘅策略同心態！

2020/08 指數期權 (4) Good Ending

近排好忙，主要係因為亞女剛剛升上小學，雖然最初幾個禮拜都只係網上教學，但係原來現今除了學生讀書辛苦之外，家長都真係可能仲大壓力，每日都可能需要係唔同嘅channel 去接受學校嘅資訊，要睇回條，睇下小朋友有咩功課要做，幾時要交，課外活動又要參加，學術嘅又有，運動嘅又要有，音樂嘅更加要有，真係絕對係辛苦過以前自己讀書好多。真係唔知鄧亞女辛苦定係鄧自己淒涼好。不過正所謂人在江湖，身不由己，參加得個game 就唯有跟返佢個rules 去玩，無計。

講完讀書嘅game，就講返期權呢個game啦，都遲咗成個月先再update返個8月我的HSI 期權嘅境況，最尾結算收25531，如願以償收到大約兩萬六千幾嘅利潤，當然係好滿意啦。其實呢個8月就係對於我個strategy 來講最理想嘅scenerio。全個月都只係做咗8個 trades，就可以有呢個成績，又唔使太過費神咁平安渡過，真係唔錯架！ 

不過9月就遭遇滑鐵盧，本來一路都好地地，但係呢個禮拜嘅急跌時我嘅應對就做得比較差，有啲心存僥倖博佢會彈番上去，無走到啲240SP，結果而家接近跌到23000..... 幸好我23300左右終於痛定思痛斬晒纜，不過應該呢個月都會不幸地要蝕錢，又係一個衰貪心同埋唔收紀律嘅教訓。而家希望結算時可以上返啲，如果唔係9月就可能要嘔返晒8月啲利潤出來喇..... 

所以呢，證明我玩呢個game 依然係未稱職，真係要好好記住紀律同埋決斷真係好重要。緊記！

2020/08 指數期權 (3) 加多個PUT SPREAD

 上篇本來話打算坐定定等結算，不過尋晚見彈到咁高都係冇乜信心佢會一路上破25600直到結算，而望返落去啲PUT嘅價錢又幾抵，於是就加咗一套252LP，248SP，60幾點的成本。

加完之後坐底都仲係有過萬元的利潤，好處就係可以包埋個底，就算個指數掉頭回番落去都有400點等住嚟食。所以都唔錯架，當然最差情況就係結算企正係25200，如果係呢個位埋單的話就只係僅僅有一萬多一點的利潤 （如下圖）：

24,200		$ 30,500.00
24,400		$ 30,500.00
24,600		$ 30,500.00
24,800		$ 30,500.00
25,000		$ 20,500.00
25,200		$ 10,500.00
25,400		$ 20,500.00
25,600		$ 30,500.00
25,800		$ 30,500.00
26,000		$ 30,500.00
26,200		$ 30,500.00

得返三個交易日，睇怕8月都唔會走出上面呢個範圍喇掛，所以我相信8月盤數應該真係可以收工喇！

2020/08 指數期權 (2) 極度平穩

呢個月都算風平浪靜，基本上擺晒啲位之後都無嘢好做，如上一篇的計劃平了一張234SP @ 58點。而個倉暫時就變成：

234SP x1 (Premium at +497 -58 = 439)

238LP x 1 (Premium at -300)

252LC x 1 (Premium at -300)

256SC x 1 (Premium at +328)

268SC x 1 (Premium at 108)

Net Premium = +275 or $13750.

個利潤範圍就變成：

24,168		$ 13,750.00
24,368		$ 13,750.00
24,568		$ 13,750.00
24,768		$ 13,750.00
24,968		$ 13,750.00
25,168		$ 13,750.00
25,368		$ 22,150.00
25,568		$ 32,150.00
25,768		$ 33,750.00
25,968		$ 33,750.00
26,168		$ 33,750.00

睇嚟呢個月都應該99.9%可以輕輕鬆鬆達到$10,000回報呢個目標架啦。唯一就係睇下將來幾日會唔會升高到25800 或以上，如會的話可能就會鎖定個spread嘅利潤，不過其實都就快結算，就算升都未必需要鎖倉，最好可能係坐定定等結算選了。

另外，9月已經手痕開咗240SP @288 喇，下一步應該就係搵機會做返個244LP，希望可以有靚位可以做到個零成本spread啦。

2020/08 指數期權 (1)

先更新返7月個情況，正如上一篇所希望，最尾兩日都係平平穩穩，安然度過，最後7月結算係24967，所以上個月的指數期權成功獲利$18,000。成績唔錯！希望8月可以再接再厲，再有差不多的回報就好了。

其實唔知有冇提及過，呢個指數期權倉，我大概放咗四十萬係裡邊做按金，目標係希望於唔太高風險之下每月賺到一萬左右既回報。當然小弟經驗尚淺，紀律又欠佳，所以成績其實有點飄忽，不過希望慢慢可以改善啦。

踏入8月，有別於前兩個月先升一浸嘅走勢，暫時呢幾個交易日雖然大起又大落，但係其實都係喺24000－25000中間上上落落，完全冇方向感。對於我來講都算係好事，因為個價同我做咗嘅位都有點距離，所以基本上向上同向下都set 咗個 spread 之後，喺再遠少少再加咗張short，就可以休息下。

由於今個月只做了幾個trade，所以就貼下喺下面分享下啦：

234SP x2 (Premium at +497 in total)

238LP x 1 (Premium at -300)

252LC x 1 (Premium at -300)

256SC x 1 (Premium at +328)

268SC x 1 (Premium at 108)

Net Premium = +333 or $16550.

上下一千點結算的利潤範圍如下：

23,900		$ 16,650.00
24,100		$ 16,650.00
24,300		$ 16,650.00
24,500		$ 16,650.00
24,700		$ 16,650.00
24,900		$ 16,650.00
25,100		$ 16,650.00
25,300		$ 21,650.00
25,500		$ 31,650.00
25,700		$ 36,650.00
25,900		$ 36,650.00

當然現在時間尚早，我都唔會期望個市會悶到去結算，而家就當然係向下嘅影響會較大，因為隻單丁short leg 都擺左喺23400，所以我打算如果個市繼續向上或者打橫行多幾日，而我張234SP 的期權金都消磨得差不多時就會先平一張，總之8月keep到個目標係一萬就得喇。

就睇下今個月有冇其他動作需要做，到時我又可以再寫下我嘅做法。

2020/07 指數期權 (2) 倒數兩天

又報下數。

基本上自從上次報數之後，個期指係無走出過月頭嘅高低位（看上圖），呢樣嘢對於short友 （意指做了short options 的人士，i.e. 我）絕對係好事，因為唔使再不斷做搬運工人去保護自己啲short 腳。

不過為安全計，早兩日都做了小小搬走了最近的242SP，於是個結算利潤範圍就更新成下圖，應該都算安全,希望平平穩穩保住一萬以上嘅回報就足夠了。