2823 & 2822 A50 pairs trade (2)

最近比較忙，再加上懶惰發作，所以都還未有機會去update一下這個策略的分析，事不宜遲，先看看上次的問題：

1. 2822同2823個差價會繼續縮窄嗎？原因係其實兩者係track緊同一個指數，點解中間會有個差價呢？會唔會到最後兩者嘅價格會更接近，甚至一樣？
2. 2822／2823對比個指數其實都係有一個溢價嘅，呢個溢價同兩隻ETF或者個指數嘅高低又有咩相對嘅關係呢？會唔會係升緊嘅時候，就多啲人想買隻ETF，所以溢價就會高啲？而跌緊時就相反？
3. 對以上疑問有初步見解之後，又應該點樣用options呢？i.e. SP2822，LP2823＠同一個價錢？

2822跟2823中間的差價

談討這個問題之前先看一看兩者的差價，看看兩個星期過去之後有什麼變化：
 

	2822	2823	diff
4-Apr	10.02	10.24	0.22
18-Apr	9.91	10.12	0.21

單看兩日之間差價的變化，以收市價計是收窄了＄0.01。但如果逐日睇的話，其實有一日個差價都試過升高到＄0.27。

那麼，回到問題起點，究竟個差價會繼續縮窄嗎？

要解答這個問題，首先其實要先弄清楚一件事，就係話就話追蹤住同一隻指數，但係其實兩者的NAV又是否真的一樣呢？於是我就去兩隻ETF各自的網頁去找資料，更幸運地給我找到以下這個網頁，原來有warrant供應商竟然咁好人，幫手每天上載幾隻A股ETF的股價跟NAV的比較：
http://www.warrants.com.hk/ch/mainland/compare_c.cgi

從上圖可看到，兩隻ETF個NAV原來是不同的！當然這個分別不是太大，但亦可看出一路下來（至少最近兩週）都是2822的NAV比2823高，由1仙至5仙不等。兩者NAV的不同相信原因就是因為兩隻ETF構成的方法不同，操作又是由不同的人去處理，所以就有些少不同。如果有朋友知道有其他特別原因的話，請告知我。

知道了兩者NAV是不同之後，就應該明白到兩隻ETF應該都幾難會變到完全同價。但話需如此，那個NAV差距最多都只是5仙（還要是2822比較高），為什麼兩隻ETF的差價會達到兩毫以上？

個人想法就是因為2823歷史比較長，一般人提起A股ETF都只會想起2823。所以它比起知名度無咁高的2822就有個premium。這個從兩者的成交量就可看出。而這個premium其實都一直縮減之中，由當初的＄0.5減到現在的＄0.2左右。其實如果要比較的話，2822作為一隻實物ETF，在投資者眼中，是否應該比2823這隻合成ETF更吸引呢？至少感覺應該會實在點，理論上風險也應該會小一點。我有一樣東西還未弄清楚的就是RQFII的quota問題，如果隻ETF用盡了quota，那即是等於不能增發新單位？而2823又是否可以無限地增發單位？這個分別會不會是另一個導致兩者差價的原因？但其實我在想，如果2822不能增發的話，當A股火熱的時候，個需求會不會上升得更快？如果是的話，那個差價會否反過來是2822較高？

以上的一切，都是建基於相信兩者的差距會收窄，亦即係話，覺得2822的表現會略勝2823。不過我最怕的就是原來個真相是剛剛相反....

不過話說回來，做這個pairs trade的原因就是想用低風險去賺取回報，就是因為低風險，所以就算睇錯都應該損失不大。

下次再想想有啲咩可行的策略。