之前在2823SP策略的三月總結中提及過最近有個新嘅概念係用兩隻A50ETF黎做pairs trade,其實一路都未係好確定到點樣玩,不如就邊諗邊記低啲思考過程,睇下可唔可以諗得掂點樣玩先好。
Pairs trade, 用我自己嘅了解就係同時間做兩種投資,而呢兩種投資嘅走勢通常都係相反,咁你喺投資A嘅風險同向投資B嘅風險係會大大咁抵銷左,而投資者可以賺到嘅就係其中嘅差價。做呢啲交易通常都係貪佢風險低啲,咁當然風險低嘅同時回報都未必會高,但尋求呢啲極低風險嘅投資有時已經係一種樂趣。而且有時啲pairs trade都可以好高回報,例如之前見有人話過沽Apple買Samsung(隻股票,唔係電話,雖然我自己就真係沽左部iphone換左部Note 2),如果揀啱時候都可以幾和味。咁當然"沽一買一"如果睇錯邊可以輸得好金,但係如果兩邊都long options嘅話,咁就只係輸有限遮。
我估我以上嘅解釋都應該唔係太清楚,因自己都係初初接觸呢個概念,大家可以去下面investopedia條link睇多啲:
http://www.investopedia.com/articles/trading/04/090804.asp
咁無端端點解會搵到隻A50黎睇呢?事緣當隻新嘅A50(2822)面世嘅時候,由於呢隻A50係實物ETF,而之前我持有的A50 (2823)就係合成ETF,理論上當然就係實物嘅風險係細過由衍生工具砌出黎嘅ETF啦,由於我一路都係想長線擁有隻A50,所以都諗過係咪應該將啲2823轉成2822。除此之外,當時嘅2823仲要係比2822貴大慨$0.5,需知道其實兩者係跟蹤主同一個指數,2823比2822貴就即係代表佢個溢價更高,換句說話即下2823無咁抵買!
之後,因為諗到個用SP黎代替持有2823嘅策略,所以就冇實行到呢個換貨嘅計劃(後來始終都係冇賣到啲2823就係後話啦)。但係自己間唔中都有留意下2822同2823兩隻ETF走勢嘅關係。
咁而家兩隻股嘅差價係幾多呢?答案係只有$0.22(2/4/2013)。即係話個差價收窄咗$0.28,而如果我之前有換馬的話我應該可以蝕少$0.28!下面個圖可以睇到,由2822開始面世之後,兩隻ETF嘅表現喺同步上落之餘,紅線(2822)係一路喺藍線(2823)之上,並且去到四月頭以同期表現計仲有成5%嘅距離!
我而家要諗嘅就係究竟之後2822同2823相互之間嘅走勢會係點?而我又應該點樣去利用呢個走勢去做啲低風險嘅pairs trade?
而家嘅疑問大概有:
1. 2822同2823個差價會繼續縮窄嗎?原因係其實兩者係track緊同一個指數,點解中間會有個差價呢?會唔會到最後兩者嘅價格會更接近,甚至一樣?
2. 2822/2823對比個指數其實都係有一個溢價嘅,呢個溢價同兩隻ETF或者個指數嘅高低又有咩相對嘅關係呢?會唔會係升緊嘅時候,就多啲人想買隻ETF,所以溢價就會高啲?而跌緊時就相反?
3.對以上疑問有初步見解之後,又應該點樣用options呢?i.e. SP2822,LP2823@同一個價錢?
下一次再研究。
另外,以下呢個page係我research 2822同2823時找到的,都幾多資料:
非常時期,一個對世事漠不關心的一個尋常腦袋,一副對世情漠不關心的木面,何去?何從?
此網誌有幾個主題,第一是記錄一下自己的投資,溫故知新,希望於下半場開始後可早登財自;第二是無病呻吟一下,寫下自己對一些自己或身邊的事情的感想,抒發下自己對這個世界的感覺,第三是評論下一些大小球類運動比賽;最後就是寫下一些對家庭及孩子成長的感想。
歡迎留言交流!
訂閱:
張貼留言 (Atom)
慘痛的十一月
純粹想總結一下十一月的慘況: 現金流方面的虧損超過六位數字,真係非常甘。 恆指期權方面竟然係蝕咗total 十一萬..... 原因係犯了不應該犯的錯,估錯邊之後仲要死牛一邊頸,一路等佢回,不斷加LP,今次都係第一次自己唔係衰係Short,而竟然係衰係Long手上,真係問你死未。 ...
-
這個半年結,想寫了大半個月都的起唔到心肝去寫,終於今日喺7月都將要結算之前那天的得起了。 單從賺蝕的角度來看,頭半年絕對算是成功的。尤其是在指數期權方面,六個月裏只有5月微蝕,有兩個月還有超過兩萬的進帳,令到頭半年可以有六萬多的收入,認真唔錯。 至於股票期權方面,表現都不...
-
第一次update,就記低一下現在倉裡面有什麼吧: Month Underlying Action shares Ex. Price Premium Cont. Liab Return S/C Premium $ May 0388.hk SP 500 $150.00 $0...
-
六月一開始我就有點按耐不住,於一號那天就進行了三單期權交易。又由於自己一路都仲係偏淡,所以今次做了兩單SC,一單SP。SC的那兩隻股票都是有實貨的,1299還有一千股在自己的舊倉裏,之前唔捨得賣。但如果去到高位都想先賣掉,再等機會買返。至於2800,就是一月時$20SP收回來的貨...
沒有留言:
張貼留言