2823期權策略 九月update(1) - SP變價外

除住A股持續反彈，我這個2823策略繼上一個月第一次有正回報之後，今個月又再次發生了一件咁多個月都未發生過的事，今次就係我的兩張$10SP都出左價外。

於SP之時見股價升當然係好事，但就正如我上個月都提過，其實升得快對我是無著數的，原因就是張option的delta會越來越低，令到我的回報減慢，而且穿了價的話，我張SP就變了做整張都只是得時間值，變得就算A50再升，我都唔會再點樣可以得益。

於是，其實跟返我自己個策略的構思，應該是一穿價就要把SP搬上去，盡量減少追唔到正股升幅的機會。可惜的是從來想就係咁想，做時又未必跟得足。今次一來係第一次遇見呢種情況，二來A50實在升得幾急，三扒兩撥就上左$10以上，定一定神想睇下有冇機會落返$10以下就令我miss左最好的搬倉機會。

終於，到了今天都係唔等了，於2823做$10.3x時就把9月及10月的$10SP平了，然後落了order去開新SP@$11做10月及$11月，可惜到了下午，2823就升了上$10.4摟上，我落的order都fill唔到，而家寄望聽日會跌返去$10.3x，等我可以做到個好價。但無論如何，聽曰收巿前都要做左呢兩張佢。

開倉完成后會再update個table。