2823期權策略 二月總結

之前可能係心熊咗啲，見A50由9個幾彈下彈下咁升上黎，升到$12左近，一片欣欣向榮咁，所以覺得長線都只會係大涱小回，拾級而上咁向上升，冷不提防佢竟然黎個大回，仲要直跌到去我個成本價添，真係始料不及。因為佢跌得太快，所以我本身嘅如意算盤（即係先SP$12，然後等正股升到上番$12之後就賣咗正股，用SP替代正股去套現，詳見策略）非但打不響，直頭打爛埋!!現在正股賣唔到，SP又帳面輸錢，雙失!

今次嘅教訓就係有時啲操作係需要同步嘅，如果唔係好似今次咁搞到兩頭唔到岸不特止，風險仲大增，因為手上嘅持貨其實間接已經由一萬股變成兩萬股，而家咁樣跌落黎真係賬面可以輸得好甘!

當然，雖則A50短期下跌，但中長缐都冇理由唔睇好，所以我嘅2月SP$12都係照直咁搬去4月SP$12，繼續賺佢時間值，希望佢慢慢咁上番去，等我可以追番啲損失，當然，將一個同價嘅期權搬後咗，其實嚴格黎講都可以話係冇蝕嘅，因為收到嘅權金其實係多過平咗果張，但我計利潤通常月月清，所以2月平既果張SP就會當作實現盈虧。

另外，因怕追得太慢，所以低成本咁另加LC3月$12，搏下3月急彈向上。至於正股，而家決定喺$11.5以上賣掉套現。

至於比較方面，就決定用呢個策略運作首日收巿價黎做基準，再去比較成個策略嘅賺蝕，從而睇下呢個期權策略是否可行。2月尾的比較如下：

正股		SP策略
			Buy	Covered/Now
Stock price (Feb 18)	$          11.72	Feb SP (note 1)	$            0.24	$           (0.97)	已平倉
Feb 28:	$          11.42	Mar SP (note 2)	$            0.47	$           (0.70)	@ 28/2
Total shares	10,000	Apr SP (note 3)	$            1.11	$           (0.81)	@ 28/2
			Net cashflow	$           (0.66)
Gain/(Loss)	$     (3,000.00)		Gain/(Loss)	$     (3,300.00)

Note 1: 2月4日開倉，當時A50做＄12.02，2月26日平倉，A50做＄11.04。
Note 2: 2月18日開倉，當時A50做＄11.8。（挨價中.....)
Note 3: 2月26日開倉，當時A50做＄11.04。

就咁睇翻，用個SP策略同持有正股比較起上黎都唔係差好多 ($300 out of 十萬嘅貨)。當然時間上有啲SP係早啲做，有啲係遲啲做，所以未必可以直接比較，但係如果長遠黎講嘅話，果個difference應該唔會好大。現決定最少比較6個月。

展望就當然係希望A50升翻啦！